伍佰海鮮火鍋 (已結業)

呢個月第4次打邊爐，今次係散叫單點 唔係放題喇，餐廳係尖沙咀山林道，新開張，地下的門口細細並不顯眼，但上樓梯到二樓其實面積好大，座位好闊落。除左打邊爐有的肉/海鮮之外，呢到仲有刺身，選擇唔少，而且呢到服務好好，不時幫手加湯/斟飲品等，係你未揮手叫waiter的時候佢已經察覺到你需要提供比你，犀利😆😎今晚點了幾份肉，羊肉、自家製手打四寶丸、仲有比較少見的駝鳥肉！駝鳥肉好滑，四寶丸特別以蝦丸最彈牙，湯底揀左芫荽皮蛋湯，仲有粟米、馬蹄、豆腐等等食材在內～飲品試左店員推薦的蝶豆花茶，凍飲甜甜地，可以加水/七喜，呈現清澈藍色，好飲之餘抗氧化😙