影片
更多
2023-01-22
43 瀏覽
趁著老細去咗日本過年，我又偷偷地早收工🤫雖然話早其實都三點幾，咁啱老公係旺角朗豪坊做嘢，就過去睇吓有咩好食，順便claim個免費泊車🚗好多年都冇去過food court ，全部餐廳都唔同晒，行左一個圈都唔知食咩好。老公突然指住間好似文青Cafe嘅餐廳話過去睇吓，估唔到去食川菜嘅，見到個新年套餐好似幾吸引，不如就試吓裝修真係好別緻，坐得好舒服menu好簡潔，啲包包好可愛😻揭咗一輪都係決定試吓佢個新年套餐，包羅萬有咁🤤前菜就揀咗個椒麻雞，嚟到嘅時候見到份量都好多，下面仲有啲青瓜墊底一食落去真係好有驚喜，雞係凍食嘅，冇肉腥味，雞皮冇肥膏之餘仲做到好薄好脆口，配埋辣椒油同芝麻醬混合成嘅椒麻醬，加埋啲花生口感，真係一流😻呢個雞好好食呀小籠包出場啦😻呢個好期待，因為上菜嘅時候侍應哥哥話有四款口味，包括有原味香辣金黃流沙同埋酸菜魚，一聽到酸菜魚即刻叮咗聲！本身仲諗住單叫一份酸菜魚小籠包，可惜老公係唔食魚嘅😐一個人又食唔晒，好彩呢個套餐都有一粒小籠包可以俾我過下口癮試吓味四粒都好精緻，打卡一流😚粒酸菜魚小籠包又一大驚喜，一咬落去入邊啲咁金湯流晒出嚟爆汁咁😍即刻想叫返籠嚟自己隊揀咗我地兩個都最鍾意食既福
好多年都冇去過food court ，全部餐廳都唔同晒，行左一個圈都唔知食咩好。老公突然指住間好似文青Cafe嘅餐廳話過去睇吓，估唔到去食川菜嘅，見到個新年套餐好似幾吸引，不如就試吓
裝修真係好別緻，坐得好舒服
menu好簡潔，啲包包好可愛😻
揭咗一輪都係決定試吓佢個新年套餐，包羅萬有咁🤤
前菜就揀咗個椒麻雞，嚟到嘅時候見到份量都好多，下面仲有啲青瓜墊底
一食落去真係好有驚喜，雞係凍食嘅，冇肉腥味，雞皮冇肥膏之餘仲做到好薄好脆口，配埋辣椒油同芝麻醬混合成嘅椒麻醬，加埋啲花生口感，真係一流😻呢個雞好好食呀
小籠包出場啦😻呢個好期待，因為上菜嘅時候侍應哥哥話有四款口味，包括有原味香辣金黃流沙同埋酸菜魚，一聽到酸菜魚即刻叮咗聲！本身仲諗住單叫一份酸菜魚小籠包，可惜老公係唔食魚嘅😐一個人又食唔晒，好彩呢個套餐都有一粒小籠包可以俾我過下口癮試吓味
四粒都好精緻，打卡一流😚
粒酸菜魚小籠包又一大驚喜，一咬落去入邊啲咁金湯流晒出嚟爆汁咁😍即刻想叫返籠嚟自己隊
揀咗我地兩個都最鍾意食既福花😋平時都係我係屋企炒，今次第一次食到辣既福花，估唔到又幾襯辣wor，仲有好多花椒係入面，稍一不慎咬到就真係即刻麻🤣
之後侍應哥哥就拎咗盆紅卜卜嘅水煮海鮮上嚟，忍唔住心心眼咗，入面有四款海鮮，鮑魚蝦大細花甲同埋魚，下面在海量芽菜同埋寬粉，佢既辣都好溫順，唔會辣到你完全食唔落去，呢啲先叫食辣架嘛😌
食飯冇甜品，點叫完滿架🤩看樣子平平無奇，估唔到差啲食到我家燕姐咁跳起身🤣
外層酥皮好鬆化，入面係混合咗奶皇既菠蘿蓉，仲食到一粒粒嘅菠蘿，味道唔會死甜，呢個作為飯後甜品嚟講簡直完美，唔完美係最後一件唔係我食😭
一出門口老公已經係屋企group到約食飯，看來嘴刁既佢都搵到間好滿意既中菜啦😚
張貼
