聰嫂星級甜品 (已結業)

喺銅鑼灣食完飯未夠喉，例牌食多個甜品先👏🏻👏🏻以前讀書放學成日約埋班同學會一齊過去食個聰嫂先返屋企食飯😂諗返起都開心。今次食飯附近有聰嫂同明記，雖然聰嫂比較多人排隊，中途都有一思想放棄轉食明記就算😂但好彩都算快有位，可以比我再一嚐聰嫂甜品嘅味道🙆🏻呢日天氣都仲有啲凍，我同男朋友就叫咗個熱椰皇燉桃膠滋補下，就算幾凍都好，都忍唔住叫埋我最鐘意嘅龍眼冰。⭐️椰皇燉桃膠椰皇味香清甜，入面嘅椰漿蛋白好滑溜，桃膠養顏滋補，正😍⭐️龍眼冰keep住水準，香甜嘅龍眼冰，入面仲會食到龍眼肉，椰果煙韌，水晶珠爽脆。