松記糖水店

營業中

休息中

以前中學附近有松記，最愛一班女仔一枱十個人齊齊叫晒summer。多年後，踩單車入到黎大埔，咁啱又食松記，當然都係揀返summer。香港地百物騰貴，即使加價加到三十一蚊，食物質素都唔太保持得住。黑白配淋既，一拎上手自動斷左。西瓜好乾無乜甜味，芒果汁意想不到地酸。可能係唔啱季節，店舖亦健康地無將啲水果浸糖水。水果質素，都尚算難控制，可惜連大明珠都偏硬身，有啲直頭好似食緊膠粒咁。唔知係分店水準參差，定係整體食物水平真係下降左，食左十幾年佐敦分店都無出現過以上問題，希望可以改善返。