台灣館 (已結業)

第一次食呢間九龍灣嘅台灣嘢，餐廳環境舒適，有唔少window seat，牆上有啲台灣景點壁畫🫶🏻食物有好多選擇，因為天氣凍，所以叫咗個烤魚，配兩個白飯，我本身唔係好食得辣，好在「小辣」唔係好辣，都頂得順😂 條魚好大條，多肉，連埋啲汁食好好食👍🏼另外叫咗碟沙茶芥蘭炒牛肉，沙茶醬好惹味，芥蘭唔會係好老嗰啲，牛肉都夠林。野飲嗌咗凍菊花蜜同埋凍百香果紅茶，菊花本身滋潤，加埋蜜糖味道有層次🍯，食完酸菜魚飲，十分解渴清爽～總括嚟講呢間餐廳坐得好舒服，服務態度都好！