佐賀燒肉谷 (大鴻輝(荃灣)中心) (已結業)

近排冬意起，好想食燒肉，朋友推介嚟呢間燒肉放題店。餐廳環境乾淨闊落，冇油煙味，坐得舒服👍🏽我地就叫咗E餐，SRF極黑和牛小排配升級海鮮放題餐💓場內仲有小食，炸春卷、咖哩魚蛋等。E餐包埋除咗普通汽水、茶、咖啡之外仲可以任飲清酒同生啤💓落單之後店員就送上南瓜沙律麥芽餅，鹹鹹甜甜好開胃🥰一坐低食個豆腐開下胃💓套餐有：SRF極黑和牛小排、煙燻壺漬封門柳、極上牛小排、澳洲和牛原塊板腱、牛翼板、牛肩胛肉、牛肋肉、牛舌等等……數都數唔完，我同朋友每樣款都至少食一次，大滿足🥰🥰特別想講下SRF極黑和牛小排入口即化，澳洲和牛原塊板腱牛味濃郁，牛舌厚而爽脆🥰🥰醬油味煙燻壺漬封門柳🥰🥰甜甜嘅醬油味唔會蓋過封門柳的牛味，而且食落軟淋，好正！💓咁啱入嚟嘅時候未係好多人，食物一落枱店員就好好咁過嚟幫我地燒！海鮮有牛油燒廣島蠔、珍寶生蠔、牛油香草燒帶子、牛油燒帆立貝、香草海鹽燒蝦仁、巨半殼扇貝、半殼青口、鯖魚、多春魚、墨魚仔、魷魚鬚、清酒煮蜆、虎蝦等等……（仲有好多款式）最深刻係珍寶生蠔好飽滿多汁，虎蝦彈牙重味💓食完咁多肉記得你翻啲菜🤣蔬菜都幾新鮮！💓最後點少得甜品，不過我食得太飽所以都唔係試咗好多🤣榴槤炸彈同椰汁