龍鳳號 (裝修中)

❄冬日嘆暖笠笠嘅台式火鍋🍲～ 龍鳳號推出聖誕2人限定套餐🎄, 大部分食材來自台灣🇹🇼, 感受台式聖誕風味🎅🏻！龍鳳聖誕限定套餐會包一份小食、鍋物、飯麵、飲品🥤, 最後仲有台式燒麻糬火鍋做甜品🍳燒香蔥蛋捲 - 蛋捲上面有沙律醬, 蛋捲好嫩滑, 蛋味香濃🍲鍋物 - 豆乳豚肉豆皮鍋 湯底好香豆乳味, 口感滑順, 配料有秀珍菇、豆腐、豚肉、娃娃菜、腐竹等等, 相當豐富, 幾有台灣特色！🍜台南擔仔麵 - 肉燥係擔仔麵嘅精華, 整體唔會太油膩🍚古早味肉燥飯 - 鹹香得宜, 肉燥下飯一流！🍡『聖誕限定』甜品 - 暖笠笠。麻糬火鍋 - 湯底可以揀珍珠奶茶湯底/薑母奶茶, 配料有珍珠、白玉、地瓜圓、芋圓、燒麻糬, 薑母奶茶好香滑, 甜度剛好, 燒麻糬入口煙煙韌韌, 搭配薑母奶茶, 暖笠笠好暖胃～