拾う月

營業中

休息中

見天氣開始凍，前幾日就去咗新蒲崗一間日本餐廳食壽喜燒牛肉鍋暖下身。佢哋嘅壽喜燒牛肉鍋有芋絲、豆腐、豆卜、金菇、紅蘿蔔、生菜同埋蔥。當然唔少得牛肉。餐廳仲提供兩隻生蛋可以點牛肉食。兩人份量，啱啱好俾到我哋滿足嘅感覺又有位食多少少，我仲試咗其他串燒。翠玉瓜，夠哂juicy。青椒仔燒到有少少焦香嘅味道，好好食。吉列炸蠔就到脆卜卜，好重蠔味。招牌五色玉子真係精緻到不得了，彩色細細粒好好睇。帶有啲甜味嘅燒玉子上面有燒鰻魚、明太子醬、蟹肉、吞拿魚蓉同蟹籽。燒鰻魚烤到魚皮有少少脆，夠哂香口。明太子醬辣辣地好開胃。我哋仲試咗佢哋嘅鯛魚燒，迷你版做飯後甜品啱啱好。