影片
更多
2017-12-29
699 瀏覽
呢間位於灣仔嘅西班牙餐廳 《Reserva Iberica》， 位於小巷入面， 一到放工時間， 總會企滿黎happy hour嘅客人。 餐廳外掛滿咗西班牙嘅小旗幟， 加上西班牙特色磁磚， 彷如令人置身於西班牙嘅橫街窄巷之中， 別有一番風味。西班牙最出名就係食Tapas，呢家餐廳每日都會由廚師推介幾款特色嘅Tapas， 大廚會以當天最新鮮嘅食材去設計menu， 可謂不時不食， 務求將最新鮮嘅食材帶俾食客。今日嘅廚師推介就有【炸牛脷】， 一送上枱傳出陣陣嘅孜然香氣，牛脷炸得外層酥脆，內層嫩滑。孜然嘅香氣亦能中和牛脷嘅騷味， 而且聞落亦令人更加開胃。加上特別調配嘅辣醬， 味道酸酸辣辣， 提升咗牛脷嘅惹味度，配埋啤酒， 簡直係一個perfect match。另外就係呢間餐廳嘅招牌Tapas 【Gazpacho/ Tortilla/ Pa Amb Tomaquet/ Sliced Serrano Ham】， 呢個拼盆包含四樣小食，【Gazpacho】即係番茄凍湯，帶有強烈煙燻香味，每朝由大㕑磨製而成，飲落有粒粒蕃茄肉，感覺又爽又清新。【Tortilla】係西班牙蛋餅，將洋蔥同薯仔加入到蛋漿然後焗
呢間位於灣仔嘅西班牙餐廳 《Reserva Iberica》， 位於小巷入面， 一到放工時間， 總會企滿黎happy hour嘅客人。 餐廳外掛滿咗西班牙嘅小旗幟， 加上西班牙特色磁磚， 彷如令人置身於西班牙嘅橫街窄巷之中， 別有一番風味。
西班牙最出名就係食Tapas，呢家餐廳每日都會由廚師推介幾款特色嘅Tapas， 大廚會以當天最新鮮嘅食材去設計menu， 可謂不時不食， 務求將最新鮮嘅食材帶俾食客。
今日嘅廚師推介就有【炸牛脷】， 一送上枱傳出陣陣嘅孜然香氣，牛脷炸得外層酥脆，內層嫩滑。孜然嘅香氣亦能中和牛脷嘅騷味， 而且聞落亦令人更加開胃。加上特別調配嘅辣醬， 味道酸酸辣辣， 提升咗牛脷嘅惹味度，配埋啤酒， 簡直係一個perfect match。
另外就係呢間餐廳嘅招牌Tapas 【Gazpacho/ Tortilla/ Pa Amb Tomaquet/ Sliced Serrano Ham】， 呢個拼盆包含四樣小食，【Gazpacho】即係番茄凍湯，帶有強烈煙燻香味，每朝由大㕑磨製而成，飲落有粒粒蕃茄肉，感覺又爽又清新。
【Tortilla】係西班牙蛋餅，將洋蔥同薯仔加入到蛋漿然後焗至金黃， 係西班牙嘅一度傳統菜式， 蛋餅帶有洋蔥嘅香甜， 外面焗到金黃色， 帶點焦香，而裏面的蛋餅相當軟滑， 有雙重口感。
【Sliced Serrano ham】 油脂豐富，油份甘香， 而且脂肪比例 亦相當平均， 味道帶有回甘，咸味適中，作為餐前小吃， 令人食慾大增。
【Pa Amb Tomaquet】即番茄多士，蕃茄蓉用新鮮嘅番茄加上橄欖油打成， 感覺非常新鮮，多士夠脆， 感覺清新，充滿田園氣息。
主菜【伊比利亞黑毛豬】， 伊比利亞黑毛豬產地利至西班牙 ，豬味相當濃郁， 大廚先煎封鎖住肉汁，啖啖肉嘅咬口感 ， 非常juicy。 加上依比利亞黑毛豬食橡果長大，令豬肉大有獨特方香， 一啲都唔羶。加上大廚調製嘅香橙醬汁， 中和左油膩感，伴碟嘅蘿蔔仔搽上咗蜜糖再去香烤，頓時加了一份焦糖感覺，既健康又美味。
最後呢杯熱紅酒 【Mulled wine】 可謂全晚嘅亮點。 Mulled wine係德國等歐洲國家冬天同聖誕節必飲嘅飲料。 香料熱紅酒通常都會加入玉桂、丁香、 八角，薑， 橙皮等香料煮沸， 令香料同水果嘅香氣慢慢滲入紅酒之中，而紅酒中嘅酒精亦會隨隨揮發， 每啖呷入口， 都品嚐到香料嘅氣息， 尤其喜歡丁香嘅氣味 ， 和小時候吃嘅可樂糖感覺相似。 加入咗薑去煲煮，令血液更為運行。捧著暖暖溫度嘅紅酒， 除咗暖和雙手之外，還令人暖意入心， 實屬冬天聖誕必喝嘅佳品。
誰說冬天一定冰冰冷冷？ 食一頓熱情如火嘅西班牙菜， 令冬日加添無限暖意， 就和至親好友一同享受冬天嘅美好時光吧～
張貼
