豚道樂 (百合苑商場) (已結業)

今日天氣突然轉冷，食一碗熱熱拉麵就最適合不過! 去到黃埔豚道樂，光猛嘅裝修加上舒適嘅環境，真係會令人食慾大增。餐牌上嘅選擇非常之多，而我就選擇左最貴嘅一款，松葉蟹海老蕃茄湯拉麵，蕃茄湯底非常濃郁，味道清新鮮甜，而松葉蟹肉嘅份量都幾多，一啖湯底再品嚐啖啖蟹肉，夠晒滿足!此外，我地仲選擇幾款小食，日式煎餃子煎得外皮金黃香脆，餡料豐富所以肉汁豐盛，食完一定有飽足感覺。而炸墨魚嘴同軟殼蟹亦唔係間間餐廳都有得供應，呢度炸得夠晒香口，墨魚嘴彈牙爽口嘅感覺，真係好容易食多幾粒。最後有來自日本嘅飲料，果味濃郁而可以解渴之餘，賣相仲相當得意添。