嚥宮

營業中

休息中

媽媽很喜歡呢度嘅點心，所以趁放假陪佢去。主要做街坊生意，因為平靚正，所以放假都有許多人幫儭，去到唔揀卡位，都好快有位坐。我地點了6個點心和主食。第一個上的是豬紅豬肚粥，因為媽媽太心急要食，趕唔切影相。粥很綿，也很足料，冬天食很暖胃。接著係臘味糯米飯，主要係臘腸，比大快活嘅糯米飯更好味，不會太油，亦由於媽媽很心急要食，所以只影到半碗。跟住上嘅係煎腸粉，即叫即整，熱辣辣好好食。之後就有流心奶黃包，細細個，易入口，不會太甜，亦適合老人家食。最後上嘅係蜂巢糕和牛柏葉。牛柏葉放了很多薑蔥，很辣，但又因媽媽不太喜歡食牛，所以唯有勉強食了。蜂巢糕口感不錯，很特別，不是很多地方可以食到。食完後，叫了南乳炆豬手外賣，埋單都只係$182，十分抵食。