火鍋薈 (已結業)

臨新新年洗大左, 提早到糧尾, 好死唔死又約左fd 食飯, 放工喺深水埗搵有咩平野食果陣, 無意中比我發現呢間火煱薈, 呢間打邊爐158 任飲任食, 加埋一連二百蚊都唔洗, 我地諗都唔洗諗就衝左入去打邊爐 入到去, 雪櫃有大量韓式野飲, 又有解茶, 仲有自製嘅洛神花茶比你揀, 再睇下張火煱紙, 雖然野食對比起其他任食火煱店算係少, 但我覺得呢個價位絕對係有誠意 我地今次點左個豬骨湯底, 仲點左唔少野食, 一定一定要推介呢個南瓜流心丸,佢唔係甜味,有d 蟹籽丸嘅味,值得一試, 手打蝦丸同墨魚滑,兩樣野都超級彈牙,最緊要係蝦丸有蝦味,墨魚滑有墨魚味, 同埋鯇魚片, 同樣都係新鮮有魚味兼有口感 食完要再一次強調, 佢雖然係平, 但絕對係一間有誠意嘅火煱店, 因為食得出d 野係新鮮, 仲要好味, 同埋d 侍應個個都好好服務態度, 平時果d 食店個個都十叫九唔應 大家今晚食完都好滿足, 真係平得黎超級抵食, 下次都一定會再去