發哥粥底海鮮火鍋 (已結業)

呢個星期開始氣溫急降，想搵個舒服既地方打邊爐，以前不時回去顯徑村冬菇亭飲茶，宜家改成左幾間餐廳，其中呢間發哥火鍋有粥底海鮮火鍋套餐(＄288/人)，決定一試。坐低叫左龍蝦🦞餐，二人包一隻龍蝦🦞，一個海鮮拼盤，兩隻大鮑魚，一個餐前燉湯同八個配菜任選。海鮮全部味道都幾新鮮，鮑魚仲郁緊，燉湯口感清甜，而且好足料，配料細細份，不過食完成分都好飽，分量剛好，反而怕太多食唔曬。仲有飲品任飲，自家製竹蔗茅根幾好飲。酒樓黎講呢度地方闊落乾淨，而且揀酒樓都係想有得自己清潔餐具。姐姐既服務都唔錯，我地一開頭放左硯先，其中一粒好多沙，所以成個粥底都係沙，姐姐見倒即刻成煲幫我地換👍🏻 最後粥底煲完海鮮馬上飲一啖，超級正