二宜樓 (已結業)

那天很熱，唱完K同屋企人在二宜樓食飯，以前在灣你返工有時都會來呢度食LUNCH，印象都唔錯，流沙包最好食。7時入座，星期日都無係滿晒座，可能因為灣仔始終無銅鑼灣就腳的關係吧。要了很多菜：冬瓜盅有好多料，包括帶子、珊瑚螃、瘦肉等等、等等，平時我都唔係好鍾意飲湯，尤其大熱天時，不過呢個湯真係好甜，飲左2碗，雖然鍾意加胡椒粉食，但第1碗無加，因為想試真D個原味，果然無決定錯。炸豬大腸，平時大排檔的豬大腸或會洗得唔夠乾淨，雖然炸得好味，但係都會好仔細咁，研究會唔會仲有D唔乾淨的物體在腸內先食，至於一般酒家的，則會洗得好乾淨，乾淨到連膏都無埋，好乾；而呢度的，既能放心食，又唔會乾，正。醬油雞腳，嘩，雞腳係新鮮雞的腳，好有鮮味哦!餐飯食得好開心，好滿足。