影片
更多
2009-12-23
85 瀏覽
今日公司提早放工, 同事見大家都已經提早做左節, 所以提議不如一齊食晚飯. 本來係想去大角咀附近既「客家棧」嘗試 $108 蚊既任食任飲, 但去到果陣, 個「知客姐姐」話因為今日冬至, 冇得任食任飲, 要計返每碟 $18. 我地見唔太抵, 所以立即轉去骨煲王~ 行到過去果陣可能時間尚早, 得1,2 檯客人打緊邊爐~坐低後, 就點左個胡椒豬軟骨煲, 之後再慢慢點野食~ 我地點左 9 款食物, 首先當然有佢 (主打) 既霜降肥牛, 之後就海蝦, 竹笙, 炸支竹, 手打 4 寶丸, 皇帝菜, 薯仔, 魚頭雲, 芝士腸.就由個煲開始講起, 每次個煲入面既豬軟骨都係食唔哂, 感覺就係食極都仲有, 好厲害 !!! 我地 3 個人叫左果個係 3~4 人份量, 最後數返, 都仲剩 2 件係個煲入面~~ 因為上幾次黎, 我已經食過霜降肥牛同牛頸脊 2 款牛肉, 發現霜降肥牛真係重牛味同好食好多, 所以今次提議大家食霜降肥牛 上次貪得意叫過一碟 $20 既雪花肥牛.........食完之後, 衰 d 講句, 果碟真係似食「垃圾」, 寧願食少 d, 叫少幾碟雪花肥牛, 都係叫返一碟霜降肥牛算~ 手打 4
行到過去果陣可能時間尚早, 得1,2 檯客人打緊邊爐~
坐低後, 就點左個胡椒豬軟骨煲, 之後再慢慢點野食~
我地點左 9 款食物, 首先當然有佢 (主打) 既霜降肥牛, 之後就海蝦, 竹笙, 炸支竹, 手打 4 寶丸, 皇帝菜, 薯仔, 魚頭雲, 芝士腸.
就由個煲開始講起, 每次個煲入面既豬軟骨都係食唔哂, 感覺就係食極都仲有, 好厲害 !!! 我地 3 個人叫左果個係 3~4 人份量, 最後數返, 都仲剩 2 件係個煲入面~~
因為上幾次黎, 我已經食過霜降肥牛同牛頸脊 2 款牛肉, 發現霜降肥牛真係重牛味同好食好多, 所以今次提議大家食霜降肥牛
上次貪得意叫過一碟 $20 既雪花肥牛.........食完之後, 衰 d 講句, 果碟真係似食「垃圾」, 寧願食少 d, 叫少幾碟雪花肥牛, 都係叫返一碟霜降肥牛算~
手打 4 寶丸就唔太特別, 份量只係得 4 款 x 3 粒...........咁啱一人一粒, 所以大家估佢係咪按人頭俾架呢~~
魚頭雲最滑果部份俾同事搶食了........ 5 件入面, 佢食左最滑果 3 件, 睇黎都應該幾好食咁, 下次我要搶返先~
竹笙用黎吸湯底, 放耐左吸夠湯汁, 真係好正~~
至於其他的炸支竹, 皇帝菜, 薯仔, 芝士腸, 都係一般咁~ 冇話特別有吸引力.
環境方面, 因為坐左係卡位, 所以座位都夠闊, 仲有好多地方多出黎放袋. 再睇返出面 d 圓檯, 都唔會話太過迫, 都有預空位俾客人 / 侍應走動.
我地食左大約 2 個鐘左右, 已經好飽, 之後睇左陣電視, 就埋單走人, 連貼士剛好 HKD500.00~~
題外話: 我近排 3 次既打邊爐, 都係黎呢間度食, 睇黎真係食上左癮
張貼
