景逸軒 (已結業)

冬至餐又揀左去食紅磡景逸軒，訂左隻亞拉斯加蟹，今次是採用花雕蒸，隻蟹上枱好靚，件件剪好晒，容易食啖啖肉，好香的花雕酒味，仲有好多蟹膏，肉質鮮甜，叫左碟生麵撈蟹膏，咁鮮味的餸可以連汁都撈埋。西班牙一字骨燒起好香，仲有濃郁的蜜汁味，都算厚肉唔係得條骨，所以很好。糯米釀雞翼是驚喜之作，夠熱又香口，咬入去又有綿滑的糯米飯，外脆內軟，估唔到咁好食，還有薑蔥桶蠔，好大隻是肥美的，咁凍仲加埋個熱辣辣的羊腩煲，滾滾下食左可以暖下胃，個汁調較得不錯，除左羊腩，裡面的支竹冬菇都好入味，最後食埋甜品杏仁茶，圓滿的冬至聚餐。