榕記車仔麵 (已結業)

痴線！究竟要幾餓先會叫到一枱都係食物？ 不過，每樣少少，人人都夾夾吓，的確開心嘅！朋友話似做節喎 XD榕記車仔麵出名嘅食物都好多，以下幾款有食過嗎？芫荽皮蛋湯底湯底芫荽已經好濃吓，面頭仲要加一堆 😍 愛芫荽嘅唔好錯過。湯頭都幾甜，加咗甘草，飲完喉嚨涼涼哋。皮蛋都多，飲完大半碗，感覺好下火 XD 麵類可以轉菜底，正喎，多食蔬菜好又唔會太飽。有空間可以食其他餸 😌朋友要咗 胡椒豬肚湯 好夠胡椒！好夠辣，冬天食最好，夏天就會邊食邊爆汗 XD 滷豬手夠味，好夠淋溏心蛋 - 好食喎，蛋黃部分無欺場冬菇 - 好厚肉，juicy秘製魷魚 - 勁大份，唔un，幾辣吓白蘿蔔 - 水份夠嘅，但偏甜。呀！ 牛腩 都好OK㗎，好夠入味。‼️ 食店係地舖但入口係斜梯所以好方便輪椅朋友去。大家多多幫襯小店呀！