天龍泰越餐廳

營業中

休息中

天龍泰越餐廳位於何文田愛民邨嘅冬菇亭。而家啲冬菇亭全部翻新過，唔單止冷氣開放，地方仲乾淨企理，其實同街舖或者商場入面嘅食肆冇咩分別。午餐時間，叫咗碟泰式雞絲金邊粉，再配杯龍眼冰。金邊粉非常大碟，材料除咗雞絲，主要係芽菜，韭菜同蛋絲，尚算豐富，不過略嫌炒得差少少鑊氣，調味亦較淡，冇咗炒金邊粉平時嗰種酸味味好開胃嘅獨有味道。至於杯龍眼冰就好好飲，唔太甜，好解渴，龍眼肉雖然灰灰哋色賣相唔靚仔，但係既清甜又 juicy，好食👍。