漢記小廚 (已結業)

工作到晚上，大家都未食晚餐，同事介紹呢間冬菇亭大排擋，去到已經要坐外圍行人路，大圓枱膠櫈，環境一般不過好熱鬧，餐具已經放晒在枱面，店員攞咗啲滾水比我哋洗餐具！店員豪爽咁幫我哋落單，食物好快到！古法鹽焗雞（1隻）店員推薦，上枱應該用熱湯淋過，所以唔會凍冰冰，雞肉嫩滑，雞肉又剛剛熟（好多時嫩滑就唔熟！）唔點薑蔥油都好味！京都骨：份量細，不過好味，豬肉有肉汁，醬汁酸酸甜甜！開胃又好味！蒜茸豆苗：呢樣大碟，豆苗當造好爽嫩，簡單用蒜茸炒已經好味！啫啫芥蘭：份量細夠鑊氣，芥蘭爽嫩，油香滿咀，最正係配菜嘅草菇厚肉肥美，蝦乾大條鹹香沙嗲金菇肥牛煲：粉絲為主，索晒啲沙嗲醬，略乾身煙韌，好味，肥牛唔多，薄身唔韌！好味！煎藕餅：香脆鹹香好味，肉餅唔乾有土魷片夾雜其中，好味！椒鹽鮮魷：金黃色，不過我食其中一件有啲唔熟，其他正常，炸粉薄身！好味店員豪爽，上菜收碟爽手！食得好暢快！而家天氣清涼仲可以，夏天就頂不了$728漢記小廚