影片
更多
2018-02-25
168 瀏覽
近年冬菇亭有不少新面貌，連日本菜也有供應。記得舊年暑假，同一班好姊妹去美林邨熟食亭一間料理店吃日本菜，食完後，大家都一致認為，餐廳食物水準唔錯，雖然未能與正宗日本料理相提並論，但勝在價錢合理，而且菜式選擇夠多，尤其是午市套餐，非常經濟抵食，所以今年嘅第二場開年飯局，就敲定來這裡開餐。由於揀左中午時段到訪，加上這天陽光普照，天朗氣清，窗外的自然光透進室內，所以感覺特別開揚舒爽。自選配搭午餐，選擇勁豐富，共有 7 大類，除了 3 款是日特價飯及拉麵外，另外仲有丼飯、和食、壹級鐵板燒、滑蛋飯、溫泉玉子咖喱類及豬骨濃湯手打烏冬/拉麵。至於散點方面，項目就包括有日式火鍋、沙律、佐酒小食、炸物、刺身四切、壽司、手卷、卷物、天婦羅、一品料理、浜燒、爐端燒、串燒等等。先來一客山形蟹籽青瓜沙律 ($55) 做前菜，沙律分量不少，砌到成座山咁高，青瓜絲切得夠幼細，新鮮爽甜，加上蟹籽的卜卜脆口感，有營又健康。接著是一碟忌廉蟹肉薯餅 ($28/3件)，薯餅炸至色澤金黃，上桌時仍熱辣辣，賣相吸引。挾起一件入口，外皮非常香脆，內裡嘅忌廉亦下得夠多，咬下質感綿滑，富牛奶和牛油香，唯一就是稍嫌蟹肉味唔夠濃，否則食味
近年冬菇亭有不少新面貌，連日本菜也有供應。記得舊年暑假，同一班好姊妹去美林邨熟食亭一間料理店吃日本菜，食完後，大家都一致認為，餐廳食物水準唔錯，雖然未能與正宗日本料理相提並論，但勝在價錢合理，而且菜式選擇夠多，尤其是午市套餐，非常經濟抵食，所以今年嘅第二場開年飯局，就敲定來這裡開餐。
由於揀左中午時段到訪，加上這天陽光普照，天朗氣清，窗外的自然光透進室內，所以感覺特別開揚舒爽。
自選配搭午餐，選擇勁豐富，共有 7 大類，除了 3 款是日特價飯及拉麵外，另外仲有丼飯、和食、壹級鐵板燒、滑蛋飯、溫泉玉子咖喱類及豬骨濃湯手打烏冬/拉麵。至於散點方面，項目就包括有日式火鍋、沙律、佐酒小食、炸物、刺身四切、壽司、手卷、卷物、天婦羅、一品料理、浜燒、爐端燒、串燒等等。
先來一客山形蟹籽青瓜沙律 ($55) 做前菜，沙律分量不少，砌到成座山咁高，青瓜絲切得夠幼細，新鮮爽甜，加上蟹籽的卜卜脆口感，有營又健康。
接著是一碟忌廉蟹肉薯餅 ($28/3件)，薯餅炸至色澤金黃，上桌時仍熱辣辣，賣相吸引。挾起一件入口，外皮非常香脆，內裡嘅忌廉亦下得夠多，咬下質感綿滑，富牛奶和牛油香，唯一就是稍嫌蟹肉味唔夠濃，否則食味更佳。
友人愛吃牛，點了一客午市套餐：火炙安格斯牛肉飯 ($98)，丼飯非常抵食，牛肉分量十足，將米飯完全覆蓋。牛肉刨成薄片，炙燒後肉質柔軟又不失牛味，而且上桌時還會附送味噌湯一碗，飯餸連湯，一百蚊有找，絕對超值。
聽說店裡的串燒做得頗出色，既然一場嚟到，就趣趣地揀幾款試下。選了白鱔串 ($48)、大蔥雞肉串 ($22 x 2) 同黑豚腩串 ($18 x 3)。白鱔肉質肥美，魚皮燒至香脆。雞肉串啖啖肉，表面微焦，內裡多汁，大蔥食落唔太辣又夠 fresh，夾埋雞肉吃，令口感無咁油膩！黑豚腩串肉質嫩滑，帶油脂香，配自家煮的燒汁，鮮甜惹味。
壓尾點了焦糖菠蘿 ($28 x 2) 作結，菠蘿面層被燒至微焦，増添了陣陣焦糖香，食落甜美多汁，用嚟做飯後甜品一流。
張貼
