阿來泰式地道風味 (已結業)

今日同同事收工係旺角附近買d過年糖果，預備過年，之後諗住夜晚食餐泰國菜先搭車走，見到網上介紹一間係長沙灣新開既泰國菜館話價廉物美，所以今晚決定去試一試！一去到發覺已經好多人，好彩最後等咗十幾分鐘都入得去坐！我地已經急不及待睇Menu，我地叫咗個馬拉盞，鮮蝦冬蔭公湯，海南雞同辣椒膏蝦頭油海鮮炒飯！首先講下個炒飯，d飯炒得好正，乾身，咬落口感十足，而且飯粒鮮明，唔似出面有d餐廳咁，食落一舊舊，而且用料足，粒粒大蝦，啖啖肉！不過都幾辣吓！鐘意食辣既朋友就一定要試下佢！另外佢既海南雞都值得推薦，雞肉鮮嫰美味，配埋佢既特製醬汁，味道簡值一流，最重要係份量足，完全夠哂飽肚！之於佢既馬拉盞同我之前係泰國食既味道完全有得比，個餸炒得剛剛好，菜完全唔老，好爽嫩！最後個冬蔭公湯都係冇得彈，湯味濃郁鮮甜，而且有少少辣，最啱天氣凍個陣飲，而且海鮮湯料足，大家如果行經個頭就記得試一試！