大一海鮮火鍋料理 (已搬遷) 新店位置

今日同左老豆食飯，兩仔爺好少機會兩個食飯，難得媽咪去左旅行，我就約左老豆出黎食飯。我地都好鐘意打邊爐，特意搵左尖沙咀一間火鍋店，朋友食過話好食，我地就去食個晚餐。冬蔭公湯底最滋味，驚喜湯底我地一邊食一邊讚！冬蔭公香濃咸香，加上微微辣味，入口超惹味！我地叫左本地手切肥牛，牛味濃香肥美，入口香嫩唔會鞋口！芥末雲吞拼水餃，雲吞有芥末香味好特別，皮薄而且餡料豐富，手包的確足料！芝心黑松露墨魚丸拼咸蛋芯豬肉丸，手打丸粒粒彈牙爽口，芝心中間味道咸香流心，加上松露香！咸蛋芯味道更是爸爸最愛。咸蛋黃龍蝦丸更是有陣陣蛋黃香。