友利坊 x 友利冰室 x 勿當奴 (已結業)

可能係因為我地到嘅時候係12點幾，未係最多人嘅時間，所以一入就坐低得啦。佢依到係成枱叫左野食先，咁你就會有個牌，跟住就入去坐啦。依到都有自助bar , 你可以去自己拎水呀，飲管呀，餐具呀同埋砂糖呀依啲野。美國穀飼叉燒炒蛋飯$58 好大份！食唔晒，同左人哋share。啲蛋炒得好滑，加加埋埋都有8舊10藥叉燒。啲叉燒切左一片片，冇渣。冬陰功海鮮炒意粉 $68嘩！依個炒意粉真係辣，本身以為係有冬陰功味嘅炒意粉。但係佢係真正嘅冬陰功黎炒，食左三啖意粉之後就要開始飲水啦。不過個意粉係足料嘅。有落啲青椒，洋蔥一齊炒，海鮮呢就有兩隻青口，3隻蜆，仲有帶子啦同埋蝦。