天仁茗茶 (摩利臣街)

營業中

休息中

由中環周圍行真係好鬼熱，真係忍唔住要買返杯凍嘢飲解下暑。今次就去左天仁, 可能感覺問題, 上環分店無論環境，服務或等待時間都比其他地方好。上環店嘅員工親切得多，會微笑又會好鬼有耐性咁問你甜度又肯等你慢慢決定,就咁買個服務都開心, 上次飲左913蔘茶。唔錯既，因為蔘味好淡，我自己就幾鍾意, 太重蔘味既我就唔多喜歡。講返今次我揀左咩野飲先，唔記得今次係第幾次飲天仁,我就次次都想試下唔同既飲品。而今次我就揀左個半糖冰凍蜂蜜菊龍茶,好似好解暑咁。果然無揀錯，呢杯飲品有好香濃的菊花味，可能加埋配上烏龍茶，感覺上同出面既菊花唔同。加上呢杯不但解渴同解暑，仲係低卡嘅健康選擇，只有140個卡路里。連女士都可以飲埋一份。下次揀番三分糖就應該完美,因為我都認為甜左少少。雖然$23一杯菊花茶真係唔太抵，但真係比出面好飲同健康少少喇。