Mango X'press (已結業)

朋友過到黎又熱熱地想飲杯野，見到厚褔街有間杯飲品幾特別顏色就試下…再叫左一小食和甜品。藍碟芒果露 $26：藍碟花鮮花液，檸檬汁，奇亞籽，愛民芒梳打整成…當初又藍又黃感覺幾特別但又怕多色素，點知原來都係花液顏色就去試下…飲落去冰凍十足，透心涼…但味道偏淡，但當混合一起飲都不錯，香愛民芒味汁和梳打再有口感細細粒的奇亞籽。炸雞：份量有份5件和10件裝，今次叫左10件裝$34…食落似麥樂雞感覺但肉嫩一點，醬汁都幾特別，是芝士醬加少少酸的感覺幾特別。紅豆抹茶豆腐花：抹茶控的我當然試抹茶啦…味道堅有抹茶味但不叫很濃但仲保持到豆香，紅豆意外好味夠甜又綿身…加上黑糖一起食都吾會太甜還增加不少紅豆香添…最緊要十分抵食，二十蚊都不用食到碗滑豆腐花，不錯。