牛奶冰室 (新葵興廣場)

營業中

休息中

今日來吃呢間牛奶公司，每次想食都見到佢大排長龍，所以就放棄，今日因為遲咗收工，見到冇乜人，可能過咗晚餐時間啦，即刻入嚟試佢兩個餐，第一個係咖哩魚柳飯，光到佢嘅魚都係超大塊，仲要係三大塊，超抵！呢個咖哩都好香，應該係馬拉咖哩，都比較辣，入面還有焗過嘅薯仔，然之後再一杯熱檸水，佢同平時嘅熱檸水不同，平時嘅就係一片片嘅檸檬加熱水，呢個應該係冷榨檸檬汁加熱水，冇咗嗰種檸檬皮嘅澀味，第二個係勁香薑蔥鯇魚煲，都係大件夾抵食魚到超多，鯇魚走油，再用薑蔥爆香，放落嘅煲仔度，賣相都好有食慾，唔怪得佢咁多人排隊呢。下次試迷其它先，呢2個餐都超飽！