十大碗粥麵專家

營業中

休息中

香港愈黎愈多粉麵餐廳，尼間既有麵食，又有粥品，岩哂想食清淡既朋友。環境舒服衛生乾淨，有d冰室feel，與同類鋪頭比較，環境衛生更勝一籌。叫左鳳城水餃，牛腩米粉(雙拼$41)，蔥花蝦米腸粉($22)，飲品。一坐低，侍應就會俾個碟仔，隨意夾枱面上既醃蘿蔔。蘿蔔酸酸地，好開胃。而且，蘿蔔切得夠大粒，有口感。牛腩量多，有4至5件，仲有少少牛筋。肉唔會韌，唔會食到痴牙，入味。水餃有2粒，餡料有大大粒原隻蝦，仲要係醃過，亦有一大片厚身冬菇，木耳，鮮甜好食，必叫水餃。蔥花蝦米腸粉既米漿好稠，所以食落口係厚身，食2至3件已經有飽足感。有多蔥同蝦米，好香口。如果想要多d豉油，可以同侍應講。豆漿係香港製，好貼心俾左個杯，方便飲用。當日咁岩見到師傅拉麵條既過程，原來可以買生麵，每個$8。即日製作，夠新鮮。