陳鳳記 (已結業)

今日行左幾個鐘頭山，天氣都不錯有風但都好熱，朋友話行快點可以食山水豆腐花，有左這個動力，即時一行五人努力行山去目的地進發。大約3點完成行程，行去到有2間餐廳其實已經好行山友係度食緊野，最後我地選擇陳鳳記，坐得舒服之餘又有風扇。其實佢都仲有面，飯，全日早餐選擇。我地當然一人一碗豆腐花再加左一個小食分黎食再出返去食下一輪。凍豆腐花$12：黎都見到片得薄薄的有糖粉係面，也有糖水可倒下來吃，食第一口…堅凍豆腐花，又凍又清涼，這碗豆腐花吾係好硬，但反而咁樣石膏粉不多豆腐更香，豆腐味好濃同清甜，本人覺得不用加糖水就已經足夠，當水加有豆腐味已經勁解渴。5個人都吃得津津有味，好快咁食完一碗，最後再每人叫多一碗添！～陳鳳記併盤$50：普通！～每款2舊，分量都正常。但只有雞翼比較好味，炸完但吾太乾身雞肉，蝦多士太少蝦肉係上面，咖喱角同春卷皮厚但材料吾多。但幸好係熱同吾多油，芝麻炒得香口。