Oddies (已結業)

前幾日介紹完軟殼蟹吐司🍞，今日又介紹另一樣掃街美食！上星期日我係中上環，行完PMQ，諗住行返落上環坐車走，路過見到呢間舖頭非常多外國人幫襯，所以都入去湊熱鬧😋試下有咩美食先！香港人一定有食過雞蛋仔，但靜係食原味？定食一D特別口味？Oddies Foodies 最出名就係雪糕雞蛋仔😋！仲要係用意大利🇮🇹雪糕Gelato🥰添！雪糕係採用低脂朱古力gelato，佢質地唔太粘，反而似平時軟雪糕🍦，🍫味道好突出。雪糕底部放左一堆牛油酥，好似一堆牛油曲奇碎咁，食左底唔會因爲雪糕溶化而變得稔身，依然非常脆口，而又有牛油🧈獨特香味，真好吸引。雞蛋仔同樣充滿新意，因為要配合返朱古力味，雞蛋仔中間放左布朗尼朱古力碎。一啖雞蛋仔，一啖雪糕，朱古力味會變得更加突出，成個口腔都係嗰陣甜甜香氣🥰！而且，一冷一熱組合，好似冰火交融咁，一個軟身，一個脆口，真好過癮。當然，雞蛋仔未出到非常好味，唔會話好香蛋香，但都依然脆身，所以我覺得都整得幾好味👍🏻岩哂夏天同朋友行街食返杯！