Stecco Natura (大館)

營業中

休息中

同朋友去大館睇完展覽經過見到一間望落好chill 好有特色嘅小店😳原來係一間來自西西里嘅意式雪糕店，店內裝潢用左西西里風格嘅瓷磚同檸檬樹裝飾🍋仲播放住好柔和嘅音樂🎵入到嚟輕鬆寫意好好feel☺️ 第一次嚟當然試埋招牌意式雪條啦😍揀咗開心果同草莓味雪條，再按個人喜好配上唔同款嘅朱古力醬同配料，配搭出自己鍾意嘅外觀同口味，淨係睇個樣色彩繽紛已經食指大動❤️開心果味香濃👍草莓味就係酸酸甜甜嘅雪葩類，食完透心涼🍧呢度主打天然低卡同埋無麩質，食多幾款都冇罪惡感😈除咗雪糕雪條🍦呢度仲有沙冰、牛角窩夫雪糕、咖啡、西西里傳統意式炸飯糰同鬆餅等小食～見到雪糕奶昔有幾種選擇，揀咗芒果味唔會太甜太漏🥭芒果香味好出！三文魚炸飯糰用risotto沾上麵包糠整成，個面炸到脆脆地，再配埋香草蕃茄醬，越食越想食😋食完唔夠喉仲可以買禮盒裝返屋企～口味可以自選，禮盒裝仲包埋醬料topping可以自己DIY，好食又好玩😆