宴 尖沙咀

鍾意沖繩美食嘅朋友，千萬唔好錯過呢間餐廳嘅沖繩美食。❣️炸沖繩魷魚鬚❣️口感外脆內軟，完全冇任何嘅腥味，而且仲好有咬口，咬落去好有彈性，令人一啖接一啖停唔到口。❣️雞肉大葉串燒伴梅子醬❣️雞肉口感鮮嫩多汁，好香嘅燒烤味，整體嘅味道鹹味同甜味適中，非常啱鍾意雞肉串燒嘅朋友仔。❣️厚炸沖繩島豆腐❣️沖繩島豆腐嘅口感比起其他豆腐嘅口感更加嘅酥脆，更加嘅厚實Q彈，豆味濃醇，沉甸甸嘅，帶有厚重感嘅特色，非常之美味。❣️青瓜豬耳❣️口感同味道都非常之清爽，食落去非常之清新爽脆，非常啱當送酒小菜。❣️自家製花生豆腐❣️唔同於黃豆製作嘅豆腐，花生豆腐可以當甜品咁食。花生豆腐具有濃郁嘅花生味同埋彈牙嘅口感，整體口感非常之滑嫩。❣️自家製沖繩黑糖年糕❣️沖繩年糕甜而不膩，口感非常之柔軟，配埋黑糖醬一齊食，鮮甜美味，無論男女老幼都會鍾意嘅甜品。