半熟工房 (已結業)

之前好紅嘅半熟芝士撻！ 呢間餅店都有賣撻，裝修黃色好搶眼，除了蛋撻仲有其他西餅！啲餅幾靚！ 入店內L型玻璃櫃，都唔知去邊度，問近門口一個女店員，佢好冷淡咁講：買撻入面櫃檯喇！ 行到入面櫃檯，兩個店員，其中一個問我：要幾個？我話要四個， 另外一個就將四個撻分成兩盒！再加個紙袋！我八達通比錢！ 回到家：打開紙盒，芝士撻幾大個，焗得金黃色，不過唔係新鮮出爐，所以唔熱嘅，中間芝士醬軟滑，芝士味香濃，不過幾膩口，撻皮脆口，好香牛油味！好味！ 蛋撻味道唔錯，包裝衛生，店舖裝修又靚，只欠店員，買嘅過程感覺好唔helpful!好冷淡！唔會再來！