甘味讚岐手打烏冬 (已結業)

今日一次過試到冷蕎麥面同冷稻庭烏冬，一於比較下。冷蕎麥面($48)配料口感豐富d，天婦羅碎(炸粉碎)好香口，為個面加左好多分，仲有兩塊魚板，而面條彈牙爽口，連唔鍾意食(熱)蕎麥面既女友都話另眼相看。冷簥麥面味道、口感同天婦羅同wasabi都好夾，居然有d惹味。冷稻庭烏冬($42)無天婦羅碎，但係有温泉蛋、木魚鬆、青瓜絲同wasabi，都好有特色。可惜烏冬雪得唔夠蕎麥面咁凍，口感無咁好，唔夠彈牙，又無蕎麥面咁有味，木魚鬆又唔似天婦羅咁易撈勻，好易癡埋一舊，結果成碗面既調味就差一d。另外稻庭烏冬係幼身既，可以揀粗d既讚攴烏冬。另外點左牛乳蟹餅($28)同雜錦鍋燒烏冬($68)。蟹餅係有creamy餡既可樂餅(個餡唔係薯蓉既薯餅)，其實無乜蟹肉，但係味道豐富又唔太溜。雜錦鍋燒烏冬份量唔算多，但係好多餸，好滿足，主要有叉燒、天婦羅蝦同冬菇。