三木日本料理 (已結業)

當我做野做到甩哂轆O既時候朋友CALL 食飯約尖沙咀等。尖咀好丫夠就腳, 馬上叫腦細食自己然後收工。去到朋友話放題店坐低左, 心諗:凍冰冰食放題? 去到有驚喜,原來間野主題係自己燒野食, 檯面放左個爐O係度, 然後上大盤海鮮自己燒, 檯面仲有鹽同清酒俾我地自己調味。另外一部份可以重覆叫, 我地最後就食左兩轉蜆同三轉菠蘿仲有多春魚，刺身壽司都足夠新鮮但凍冰冰冇食太多，反而天婦羅真心ok。個蒜香一口牛都好食，相都未影就俾人搶哂😅。甜品方面柚子雪糕唔錯，我地討論緊係咪hand made 。整體感覺不錯，係檯面窄得滯冇乜位放野所以叫得冇咁爽，另外因爲唔係繁忙日子佢俾多左9個字我地，由7點食到10點，否則又叫又燒兩個鐘唔多夠時間。