影片
更多
2022-08-30
1257 瀏覽
真係難忘的生日體驗...話說最近成日睇到ig 有介紹呢間自助餐，又平又抵食，加上家姐幾個同事食完都話好食，生日又唔想成日食港女下午茶，就去試下花月庭個午巿buffet～貪佢咁平又有生蠔食！！其實要求都唔係好高，但都要寫一個post 提下自己真心伏，冇下次！主要一開波食左個好腥嘅凍，佢又唔係梅左果隻唔好食，係被啲冰水浸到好腥，食左兩隻好驚會肚痛。跟住生蠔一次只可以拎兩隻，細細隻唔算腥，味道尚可啦！家姐一到埗就去排隊拎生蠔，條隊都長嘅，拎左兩隻放左係餐枱再出去拎野飲，但個侍應竟然收走左未食嘅生蠔，我即時O嘴，同佢講未食架你做咩收走佢...又冇問過我，勁無奈，點知佢話佢只負責收碟，叫我自己再去排隊拎過...整體熟食都有啲似廚餘，但都有野可以食到飽肚嘅...回本就...唔洗諗啦...刺身有四款三文魚，鯖魚，𩶘魚同仿鮑魚...得三文魚似樣啲。甜品成整都唔係咁好食～豆腐花幾滑囉，雪糕係haagen dazs，有四個味道揀，士多啤梨，芒果，咖啡同西柚，都ok啦，哥哥仔都畢左好大球卑我食。飲品任飲都係優點黎！環境舊啲囉～服務態度都還可以～價錢係$358 匯豐卡78折 再加10%服務費(應該係咁計）
話說最近成日睇到ig 有介紹呢間自助餐，又平又抵食，加上家姐幾個同事食完都話好食，生日又唔想成日食港女下午茶，就去試下花月庭個午巿buffet～貪佢咁平又有生蠔食！！
其實要求都唔係好高，但都要寫一個post 提下自己真心伏，冇下次！
主要一開波食左個好腥嘅凍，佢又唔係梅左果隻唔好食，係被啲冰水浸到好腥，食左兩隻好驚會肚痛。
跟住生蠔一次只可以拎兩隻，細細隻唔算腥，味道尚可啦！家姐一到埗就去排隊拎生蠔，條隊都長嘅，拎左兩隻放左係餐枱再出去拎野飲，但個侍應竟然收走左未食嘅生蠔，我即時O嘴，同佢講未食架你做咩收走佢...又冇問過我，勁無奈，點知佢話佢只負責收碟，叫我自己再去排隊拎過...
整體熟食都有啲似廚餘，但都有野可以食到飽肚嘅...回本就...唔洗諗啦...刺身有四款三文魚，鯖魚，𩶘魚同仿鮑魚...得三文魚似樣啲。
甜品成整都唔係咁好食～豆腐花幾滑囉，雪糕係haagen dazs，有四個味道揀，士多啤梨，芒果，咖啡同西柚，都ok啦，哥哥仔都畢左好大球卑我食。
飲品任飲都係優點黎！
環境舊啲囉～
服務態度都還可以～
價錢係$358 匯豐卡78折
再加10%服務費
(應該係咁計）
張貼
