生龍清湯腩 (已結業)

夜麻麻睇完戲肚餓，打算食埋宵夜先返屋企，點知行黎行去想食個幾間都關門，唯有再行入少少望下。見到呢間居然凌晨兩點有早餐賣，一於食個超早早餐醒神下，我諗呢餐應該係有生以來最早食的早餐。蕃茄湯豬潤米線，個湯都幾清甜，上面仲有一大堆蕃茄，真材實料！豬潤唔會煮得太硬，味道都唔錯。蕃茄湯菌通粉，除左通粉煮得太淋之外，其他無咩問題。普通腸仔同火腿，鹹左少少，不過個蛋就淡到無咩味，中和返。奶油豬好多煉奶，個人超喜歡！淡到不得了的雜菌炒蛋，完全無味可言，好彩唔會太油。食完咁豐富的早餐就可以返去訓覺。