影片
更多
2018-01-16
2113 瀏覽
天氣開始凍，緊係要食返個雞煲䁔返下!講真~好耐冇食過雞煲，事關男友唔係好食得麻辣，雞煲唔辣又唔好食，加上近年朋友圈又唔like食雞煲，總之好多好多原因啦!諗返當初啱啱興雞煲果陣，我第一次都係食一品嘅雞煲(荃灣店)!我哋仲癲到要由荃灣外賣去九龍灣朋友屋企度食，仲有次試過朋友親自落廚泡製麻辣雞煲!!!今次去咗紅磡分店，企喺門口都聞到陣陣香味!因為我哋好早6點幾就開餐，所以冇book 枱都有位!一睇menu發現而家一品進展到有好多唔同配搭嘅雞煲。有鮑魚、花膠、海參、金蠔等名貴食材，但好似同雞煲唔多夾!另外有牛什雞煲，男友好想試但可惜我唔好牛。最後我哋揀咗鴛鴦雞煲，則係雞+田鷄! 大凍檸茶一品嘅飲品都係d大路嘢，竹蔗茅根、酸梅湯、檸茶、檸水，你有個唔野生葡萄籽，唔知係乜!所以都係揀返正常凍檸茶，不過都係有少少特別嘅，就係size特別大。可能係切合返濃味嘅雞煲，d人食完會勁口渴!鴛鴦雞煲(小辣)秘製嘅麻辣雞煲加新鮮田雞，上枱後阿姐會大大聲咁叫你睇下個煲係真係有田雞嘅，佢先會琴返個蓋煮雞。睇落都有半隻雞+好多舊肥嘟嘟嘅田雞。之後琴蓋煮咗我估大約10分鐘……對於我哋唔係成日食雞煲嘅人嚟講，其實真係唔
今次去咗紅磡分店，企喺門口都聞到陣陣香味!因為我哋好早6點幾就開餐，所以冇book 枱都有位!
一睇menu發現而家一品進展到有好多唔同配搭嘅雞煲。有鮑魚、花膠、海參、金蠔等名貴食材，但好似同雞煲唔多夾!另外有牛什雞煲，男友好想試但可惜我唔好牛。最後我哋揀咗鴛鴦雞煲，則係雞+田鷄!
大凍檸茶
一品嘅飲品都係d大路嘢，竹蔗茅根、酸梅湯、檸茶、檸水，你有個唔野生葡萄籽，唔知係乜!所以都係揀返正常凍檸茶，不過都係有少少特別嘅，就係size特別大。可能係切合返濃味嘅雞煲，d人食完會勁口渴!
60 瀏覽
0 讚好
0 留言
鴛鴦雞煲(小辣)
秘製嘅麻辣雞煲加新鮮田雞，上枱後阿姐會大大聲咁叫你睇下個煲係真係有田雞嘅，佢先會琴返個蓋煮雞。睇落都有半隻雞+好多舊肥嘟嘟嘅田雞。
66 瀏覽
0 讚好
0 留言
之後琴蓋煮咗我估大約10分鐘……
對於我哋唔係成日食雞煲嘅人嚟講，其實真係唔識幾時先食得，之前個阿姐放低之後又冇講好快走咗。好彩當我哋好可憐想揾人問嘅時候，即刻就有個阿姐行埋嚟幫我哋攪煲雞，再同我哋講過多7分鐘食得! (眼見隔離講普通話人事唔知頭唔知路，煮咗幾分鐘就開蓋食，仲話d雞咬唔開，十成十係未煮好，慘B! 我個人覺得餐廳要注意下呢點!)
38 瀏覽
0 讚好
0 留言
7分鐘後……急不及待，熱辣辣即刻食!一開煲蓋，已經聞到麻辣香味，雞肉同田雞都大大件有肉地加上紫洋葱，辣醬汁好入味，不過因為叫小辣所以麻同辣都唔夠強勁，但一樣非常惹味！
44 瀏覽
0 讚好
0 留言
食到咁上下，我哋之前叫落嘅火鍋配料都已經上齊! 加湯煮滾後就可以加入煲度打邊爐!
韭菜豬肉餃
我出名係餃怪，好彩男友唔抗拒陪我食餃!我哋最愛傳統韭菜餃。一睇d餃就知係手包唔係機製，皮薄而且軟滑，韭菜超香，我真係食完想再食。
28 瀏覽
0 讚好
0 留言
墨魚滑拼蝦滑
正常水準，唔算太突出。
19 瀏覽
0 讚好
0 留言
西洋菜
睇落好老但食落無渣，食到西洋菜味!
23 瀏覽
0 讚好
0 留言
准山片
略嫌切片太厚，要煮耐d先夠稔夠入味。
14 瀏覽
0 讚好
0 留言
炸魚片頭
魚片頭份量超多，雖然應該係交貨返嚟，但質素唔錯，食得過!
19 瀏覽
0 讚好
0 留言
張貼
