本色鍋品料理

營業中

休息中

今日感覺有少少冬天嘅氣氛，所以同老公兩個去食餐打邊爐，仲要係養生嗰種。首先我地點左個烏雞花膠湯底，嘩聽起都好吸引呀，點知食上去真係好正我哋飲咗好多碗湯，成隻烏雞，啲湯好足料好濃味，好似阿媽煲嘅湯咁好飲，真係淨係飲個湯都抵呀。另外我地點左一個叫做鏡花水月嘅肉，係一個花嘅形狀好靚。佢嘅食法好特別要點咗雞蛋先開始落落去嗰邊潦倒，原來真係好食啲㗎會滑啲。之後仲點左一份牛肉，但我都唔記得咗咩部位，但食上去都好正。之後重點左一份四種款式嘅丸，同埋四款菜嘅拼盤。我哋兩個都食得好飽而且感覺好滿足呢一餐飯。因為可以飲到一碗咁正嘅湯。下次可以帶阿爸阿媽黎試下，覺得好特別。