稻坊 (曼坊) (已結業)

凍凍地, 與太太和囡囡上了屋企附近的稻坊打邊爐, 試試她們的一元湯底質素如何。調味料 - 有八款調味料自由配搭, 適隨尊便。醉雞窩湯底 - 原價$68的湯底, 今日可以$1試一試; 湯有藥材味, 雞嫩滑, 但不夠雞味。烏冬 - 囡囡鐘意食, 夠滑, 但煙韌度不夠。冰鎮豆腐 - 煮熟後, 吸了湯的味道, 不錯。蟹籽墨魚滑 - 份量都幾多, 將蟹籽與墨魚滑拌勻, 食時墨魚滑中有少量墨魚粒, 有墨魚味, 加上一粒粒的蟹籽, 脆脆的, 有趣。雜菜籃 - 一籃有多款蔬菜, 可有不同選擇, 滿足各人的要求。肥牛 - 沒有上鏡的特價肥牛, $14.8一碟, 當然不是大份量, 但算合理, 味道與稔度都合格, 所以叫了兩客。