麥當勞

營業中

休息中

今次堅係好失望。平時得閒都會食下麥記，諗住夠快又飽肚啦！今次係機場到有啲趕時間，就諗住求其食個麥記餐醫飽個肚就算。點知嗌個餐番嚟啲野食好麻麻地。首先先包砌到離行離迾都算，食麥記係預咗自己都要學砌包。而最大問題係個包塊肉係凍架！個保溫箱係咪唔記得開！之後啲薯條又係淋淋地，外賣番屋企淋咗都話，堂食都係咁就真係麻麻地。汽水唔記得影，一打開就少咗1/6，雖然我都未必會飲哂，但如果其他人嗌杯汽水想飲哂嘅都會唔順氣啦！希望麥記你地會改善下啦，快得嚟，啲野都可以執得整齊同企理一啲。