氷舍

營業中

休息中

雖然天氣寒冷，但食冰的衝動依然無法抵擋！今日睇完戲，就同朋友一齊去試下氷舍的糖水。既然叫氷舍，招牌當然係各式氷品，分為刨冰同炒冰兩種。刨冰口味選擇多，而炒冰據說味道更濃郁，啱晒我！✨楊枝甘露炒冰✨滿滿新鮮芒果、脆脆粒同牛奶麻糬，口感超豐富！炒冰果然比普通刨冰更香濃，因為係用新鮮芒果落炒冰機炒製再剉成，完完全全係鮮果味，即使冇果醬都唔怕無味！入口係細膩碎冰口感，啖啖冰爽，滿足感爆棚😍！🥤芋泥紅豆麻糬奶🥤朋友點嘅，佢話超級好味！麻糬微微溶於奶中，令口感變得濃稠順滑，芋泥同紅豆帶甜但唔膩，完美平衡，一試愛上！熱糖水系列 | 外賣孝順家人💖外賣兩款熱糖水返屋企，試試氷舍嘅港式經典糖水～•🌰熱合桃露：香濃幼滑，入口完全無粉感，夠晒順喉！•🍡麻糬芋泥小丸子：小丸子煙韌軟糯，麻糬拉絲效果滿分！即使外賣返屋企，口感依然保持，風味不減，正！冷天氣都無法阻止對冰品嘅熱愛氷舍嘅炒冰確實值得一試！下次想再試埋其他口味～