Food Oriental (已結業)

近日於報章雜誌及互聯網上都睇到不少有關灣仔新店「Food Oriental」o既好評，喺公司講咗成個禮拜都未有行動，會計姐姐週四幫老闆買飯時終於忍唔住，提議不如一齊試一試個超人氣「無骨海南雞飯」，佢可以去完銀行順便買返黎。無骨海南雞飯（$40）：每客雞飯包有椰子雞湯一杯，不過小肥因敏感問題未有一試。我地幫老細叫雞飯，點知佢第一句評語係「唔夠雞」。。。平心而論，以$40一個飯盒黎講，份量個人可以接受，無奈海南雞件乾嚡帶韌，飯粒仲要又凍又唔夠軟熟，莫非店名所謂之「東方食物」其實係「凍方」所調？！三人食後感想一致，區內不難買到一盒平過又好味過依盒「無骨海南雞飯」o既燒味飯，真係諗唔到有咩理由會再幫襯囉！