威仕頓餐廳 (已結業)

由門面睇落去，呢間只不過係一間普普通通嘅西餐廳，價錢平均大約喺$70-$90左右，佢d野都好食嘅，不過又未去到驚為天人啦($70-$90驚為天人嘅西餐廳都真係要非常驚為天人先可以驚為天人)，但係真係諗都無諗過，呢間西餐廳嘅凍檸檬茶可以做到咁驚為天人！當然，你可以話，一杯凍檸茶真係可以曉飛咩？係唔係只係你自己嘅口味比較奇特呀？的確，口味嘅野真係主觀得好緊要，不過我自問亦好有求真之心，試過幾次同唔同嘅朋友去會一會佢杯凍檸茶，一個二個試完之後，都異口同聲咁樣話佢杯凍檸茶好好飲，如果你地去開上環(近西港城)，不妨自己去試佢一試，睇下個味道如何。講返佢d野食，我覺得招牌咖哩可以不理，牛扒真心普普通通，但係佢個廚師煮嘅意粉類又確係唔錯，尤其是佢嘅炒意粉，值得一試。