木言斤 (已結業)

凍狗🌭 ($59) Hot dog食得多，將入面變成吉士醬同雪糕嘅ice dog又食過未😻？司令睇相見到ice dog已經好想食，仲見到近近地係旺角就即刻去左！木言斤係一間兩層嘅小店，樓下賣小雜貨，而樓上就係餐廳。店員話店名解一切隨緣之意，都幾「玄」呀下。Ice dog可以自選雪糕，配醬同toppings，見到雪糕櫃既雪糕款款都好淫賤，有流心朱古力，彩虹色既雪糕等等。司令揀左蜜糖脆脆雪糕🍯，加左吉士醬同棉花糖、脆脆片。雪糕帶淡淡蜂蜜味道，非常香甜，配上法式puff食，好味❤️！如果有得揀唔配吉士配下忌廉啊其他野就好啦。樓上環境好舒服，店主貼心地係牆上裝左投影機，聽著音樂🎶享受一個輕鬆下午。