潮庭 (新都會廣場)

營業中

休息中

美國運通咭即將到期，把握機會用盡餐飲優惠。上一次食潮式凍蟹已經係兩三年前，今晚決定去拾回舌尖上的回憶。首先前菜亦是主菜：凍蟹。兩個人食飯，都唔叫太大隻，十八両重。賣相四肢健全，切開都排滿一大碟。蟹身肉厚，拆蟹亦乾淨。不過似乎蟹身未完全解凍，肉質未至於唔新鮮，不過缺少花蟹的鮮味。諗返起點菜是部長拿到枱前時，蟹是用保鮮紙包裹。我還問蟹唔係游水既？！到大酒樓點海鮮時，拍板前應先望一望合唔合眼緣食完蟹，就食下其他菜式。先有玫瑰焗盧魚。賣相一流，充滿光澤，份量亦夠晒大份。肉身滑溜，油份足夠，都沒有什麼可以批評。神奇既係，每次我想點既時候，通常都話賣晒。今次係部長返轉頭話有得賣，但要等相當長時間，言下之意，應該要從冰箱拿出來解凍。這不是批評，反而是讚美，未打折賣一份$65，你都不會相信是游水。但雪藏既都做到完美質素，佩服！佩服！中菜有鑊氣，份量亦足夠。最後來一客鵝肉菜粒炒飯。鵝肉粒味濃嫩口，砂窩保溫食到中段仍是溫暖既。不過太飽，食到一半，另一半明天辦公室繼續努力全單信用咭折扣半價，每位410。