熱賣點

營業中

休息中

世交好友孫兄可算係XO仔其中一位忠實讀者，因為最近留意到細佬去完老麥同星星咖啡屋外賣後都會作出簡短報告，所以就突來電郵，問幾時會輪到七仔。既然粉絲有要求，小肥當然係要有所回應啦，觀察咗一輪後，即擇日去「梗有一間喺左近」o既7-11便利店兼熱賣點度外賣午餐。點解要擇日？因現憑「恆生Enjoy Card」，每個月8號同18號喺七仔買野都可享九五折優惠囉 ！春園街分店門外有個易拉架，可見熱賣點有四款套餐供應，其中一款係小肥好耐都冇食過o既熱狗餐，見$21包埋熱飲，九五折後即廿蚊有找，所以就立心揀喺9月18日去食「珍寶熱狗套餐」。雖然18號真係有九五折優惠，但係過咗數先知熱泡沫咖啡唔算熱飲，要另加$8 ，即埋單合共$27.5。返到公司，打開膠袋同盒都唔見有煙，其實都有感不妙，熱狗上手就連和暖都唔講得上，入口更覺麵包同珍寶腸一樣同屬乾硬之列，加上味道欠奉，真係好恐怖囉 ！而加咗八蚊o既泡沫咖啡則較為稀淡 ，早知飲杯熱水好過。孫兄，希望您諒解細佬為何一直都冇為七仔寫過食評，因為XO仔個腸胃真係有要求架！