影片
更多
2023-11-01
534 瀏覽
喺西環食完午餐，去附近四圍行下，順便學人玩下街拍。路經第三街，被陣陣麵包香吸引，原來係來自這間街坊餅店「嘉軒」。進店一看，櫥窗內放滿了各式各樣嘅糕點和麵包，種類繁多，而且款款都好吸引，一於買番啲返屋企做下午茶。朱古力牛角包 ($11) 個牛角包賣相好靚，朱古力味好香濃，而且味道唔會過甜，外酥脆、內柔軟，食落仲有好香牛油味添，滿分推薦💯肉桂核桃包 ($11) 平時好鍾意食肉桂卷，呢款肉桂包水準亦唔錯，包身柔軟有韌度，入面卷住好多粒粒核桃，入口有滿滿嘅肉桂香氣，甜度適中。菠蘿粒 ($9.5) 菠蘿包就食得多，但呢款比較特別，加入咗菠蘿蓉同粒粒菠蘿，配以金黃酥脆嘅菠蘿皮，味道非常討好，用嚟做下午茶一流！另外呢款麻糬棗泥包 ($9.5) 亦係心水之選，包身金黃油潤，食落很鬆軟，棗泥味柔和香甜，加埋麻糬，好啱煙韌控。西米雪燕布甸 ($12) 平時食嘅西米布甸多數用蓮蓉或荔蓉做餡料，呢款好有驚喜，加入咗雪燕，食落口感極佳，香滑又唔會太甜，西米煙韌有咬口，好有 mochi 嘅感覺。芒果班戟 ($15) 班戟皮好軟熟，入面包住大大舊新鮮芒果肉、厚滑忌廉同鬆軟蛋糕，入口甜而不膩，清爽冇負擔。
喺西環食完午餐，去附近四圍行下，順便學人玩下街拍。路經第三街，被陣陣麵包香吸引，原來係來自這間街坊餅店「嘉軒」。
進店一看，櫥窗內放滿了各式各樣嘅糕點和麵包，種類繁多，而且款款都好吸引，一於買番啲返屋企做下午茶。
朱古力牛角包 ($11) 個牛角包賣相好靚，朱古力味好香濃，而且味道唔會過甜，外酥脆、內柔軟，食落仲有好香牛油味添，滿分推薦💯
肉桂核桃包 ($11) 平時好鍾意食肉桂卷，呢款肉桂包水準亦唔錯，包身柔軟有韌度，入面卷住好多粒粒核桃，入口有滿滿嘅肉桂香氣，甜度適中。
菠蘿粒 ($9.5) 菠蘿包就食得多，但呢款比較特別，加入咗菠蘿蓉同粒粒菠蘿，配以金黃酥脆嘅菠蘿皮，味道非常討好，用嚟做下午茶一流！
另外呢款麻糬棗泥包 ($9.5) 亦係心水之選，包身金黃油潤，食落很鬆軟，棗泥味柔和香甜，加埋麻糬，好啱煙韌控。
西米雪燕布甸 ($12) 平時食嘅西米布甸多數用蓮蓉或荔蓉做餡料，呢款好有驚喜，加入咗雪燕，食落口感極佳，香滑又唔會太甜，西米煙韌有咬口，好有 mochi 嘅感覺。
芒果班戟 ($15) 班戟皮好軟熟，入面包住大大舊新鮮芒果肉、厚滑忌廉同鬆軟蛋糕，入口甜而不膩，清爽冇負擔。
張貼
