Bâtard (已結業)

超過 5000 萬靚酒嘅酒牆，可以買起一間市區複式單位有找！好壯觀，淨係條梯就已經型到爆！再細心睇，好多酒都幾萬蚊支，我見最貴嗰支標價要 128 萬，聽老闆講街係買唔到，係响拍賣行拍番嚟嘅。聽經理講，近年投資商品嘅人多咗，紅酒係其中一個盙歡迎嘅投資項目。呢間餐廳主要係賣酒，西餐都好正好受歡迎，晚餐要 Book 幾個月，所以今日就試住 Tea 先，幾個朋友叫支 2010 年嘅 Dom，配咗幾款芝士、果醬，我唔係好識飲酒，要朋友解釋，唔係貴平時响超市買嗰啲好多，但係飲落又好似真係爭好遠，淨係冇泡唔刺已經好明顯，其他乜鬼嘢果香嗰啲，我仲學緊，遲啲同大家飲番杯！🍷