大漁屋台 (已結業)

有日我Honey喺九龍灣收工，跟著行到得寶商場搵晚飯食，見有舖內人坐，價錢屬正常，於是入去試試。極選八點盛： 有赤身、油甘魚、三文魚、池魚、帆立貝、甘蝦、立魚同吞拿魚。壽司嘅飯係軟軟的、又暖暖的，配上新鮮嘅海鮮，真係好好味。日本原隻魷魚：原隻魷魚筒上，表面烤香口，略嫌醬汁有點濃，但仍保持著肉質嫩口既感覺。沖繩豬手：估唔到豬手炆得咁腍咁入味，配上類似關東煮嘅湯底好鮮甜。串燒雞腎、雞肝、雞尾、雞腿肉：超級欣賞串燒系列，因為烤得表面好香口，而內裡仍保持肉汁既鮮味，呢啲就係師傅嘅功力。相對於自己住嘅區域冇咩好食。我覺得依區嘅食嘢質素同價錢成正價比。