泓一拉麵

營業中

休息中

最近好多人推介呢間係黃埔既拉麵店 鍾意雞白湯既我 無理由唔去試一試🤩平日6點15左右去排隊 前面都有大約10人等緊 最後等咗大約40分鐘先入到 同朋友叫咗一個海老沾麵$98 一個雞白湯拉麵$98 同埋大阪燒風餃子$36 《海老沾麵》海老沾麵同雞白湯拉麵都係跟一塊叉燒 一塊雞胸 同一隻流心蛋 仲有啲筍 沾麵個麵底係呢種扁身既粗麵口感正正常常 麵條都幾掛湯 蛋係真係完全流心既 個人比較鍾意熟少少 比較溏心既蛋 略嫌覺得呢到既蛋有啲啲太生 塊叉燒都煮得唔錯 個雞胸就食到好明顯有啲煙燻既味道 但略為有少少鞋口 扣咗啲分 沾麵個湯味道都唔錯 食得出有蝦既香味 不過就都凍得幾快⋯ 《雞白湯拉麵》呢個係朋友叫既 自己都試咗幾啖 同海老沾麵比呢碗雞白湯拉麵就比較優勝個湯底好香好濃 唔係好知餐廳點樣準備呢個湯 但食落有少少少少中式老火湯雞湯既感覺🤣🤣 但係幾有驚喜既 朋友食完個拉麵都飲哂成碗湯👍🏻👍🏻 《大阪燒風餃子》 呢個就無咩特別 都係普通急凍日式餃子再加啲木魚 大阪燒醬係面🤣🤣 其實而家係香港食碗拉麵好似10間有8間閒閒地都收你百幾蚊 泓一呢個價錢 仲係無加一 自己覺得佢個質素絕對唔差 對得住價錢